Certamen Latinum Salesianum - II

Certamen Latinum Salesianum proponitur partim professoribus et Latii sermonis cultoribus, partim alumnis lyceorum studiorumque universitatum, qui per orbem terrarum eidem dediti sint. Certaminis nostri hoc est proprium, ut vel scriptores vel poetae argumenta agitent quae ad res hominesque nostrae aetatis pertineant atque eorum studia, vel animorum motus scite valeant describere. Hoc in libello, benevole lector, invenies igitur auctorum vel praemio vel laude donata, in parte priore narrationes prosa oratione conscriptas, in altera textus poetice concinatos. Nam, est in votis ut, his scriptionibus perlectis, antiqui eloquii studiosi hic ibidem inveniant cum delectamentum, tum aptum quoque emolumentum ad bene vivendum et incitamentum aliquod ad Latine scribendum.